郊野公園

郊野公園 同埋香港人嘅安全同你梁振英條變態佬有仇?

郊野公園 用嚟起屋,梁振英念念不忘。其實你睇橫洲發展模式,就明梁振英話攞 郊野公園 起公屋,根本都係益地產商技倆,橫洲果啲興建公屋,而新世界嘅私樓地,就黐住公屋啲基建嚟做,所以 郊野公園 邊緣如果有鄉紳地,或大地產商囤嘅農地,好大機會被梁振英定義為無生態保育價值地,然後攞嚟起公屋,呢條友啲發財技倆,咪當香港人唔識睇。

梁振英你要發財一件事,但你條友依家想發展 郊野公園 ,實際上係攞香港人嘅食水安全,以至住屋安全開玩笑,係唔可以俾佢咁玩。

郊野公園 嘅目的

1. 郊野公園 原先開設嘅目的,係保護香港水塘集水區,就算香港入口東江水,東江水入咗嚟香港,都係要儲喺水塘,所以集水區係必須妥善保護,香港八成 郊野公園都係集水區,所以集水區範圍,係無得退讓。

2. 郊野公園 另一個目的,係要用樹木抓緊泥土,防止山泥傾瀉,好似上世紀七十年代旭龢道嘅山泥傾瀉,係可以令成座豪宅倒塌。梁振英敢搞 郊野公園 ,即係想破壞香港一直以嚟嘅山泥傾瀉防治計劃,呢個係以香港人嘅人命開玩笑,係絕對唔可以俾梁振英咁做。

所以梁振英依家對 郊野公園 嘅政策,反映佢對香港人同 郊野公園 有仇,根本係心理變態。 郊野公園 係寸步不讓,我亦希望各地產商,錢係賺唔晒,咪郁 郊野公園及附近嘅地,如果囤咗郊野公園邊界地,不如捐咗佢,或同政府換地搞好綠化好過,呢個係對公眾好,而且可以改善地產商嘅形象。呢種對公眾有益嘅免費公關意見,我個人係唔怕喺呢度,「免費」同大家分享,總好過因梁振英一個人心理變態,搞到成個集團形象臭晒。

後話:由今日起,呢度可以信用卡直接捐款,或買文

買文

捐贈(五十蚊港紙)

唔想用Paypal,可以用以上兩個掣

2 thoughts on “郊野公園 同埋香港人嘅安全同你梁振英條變態佬有仇?

    1. @櫻花抹茶刺身
      明顯係Lin 登仔講笑
      山泥運出去已經係一大問題。獅子山基本上係正市區,咁多泥頭車要用到竹園同九龍塘嘅路⋯⋯

發表迴響

你的電子郵件位址並不會被公開。 必要欄位標記為 *