Open Data

Open Data 係乜都唔知 創科局執咗佢

莫乃光國會議員質政府,幾時迫巴士公司 Open Data ,開放巴士定位數據,點知張炳良只係話,已經叫咗巴士公司將實時定位數據,交咗俾政府App發布,呢個講法,簡直係無知。

Open Data 嘅好處

依家公眾要求巴士公司 Open Data ,係將實時巴士數據,透過一個API(Application Program Interface,雖然依家都係用XML exchange data)或者XML Feed發布,等其他公眾人士,包括App嘅開發者、其他公共交通營辦商,可以自動實時攞到啲data,而唔係透過政府App睇data。至少有幾個好處

1. 智能交通App,可以透過整合唔同巴士公司或公共交通營辦商實時數據,向市民提供最快捷交通途徑,避過塞車,其實係幫你運房局
2. 其他公共交通機構,可以因應情況,及時支援巴士公司,例如有某線因炒車走班次,專線小巴或其他專利巴士公司可以走位幫公眾,甚至自動嚟一堆的士同Uber
3. 政客同獨立交通研究人員,可以蒐集數據,監察交通情況,進行研究

英國 Open Data 嘅做法

所以 Open Data 係好重要,而 Open Data ,亦唔代表啲數據俾人免費任用,以英國嘅 NextBuses API 為例,頭半年十八萬個API查詢係免費,之後每一千個查詢嘅費用係0.96英鎊。巴士公司 Open Data ,可以要求使用量超過一定限度要收費,只要收費公開透明就okay,巴士公司 Open Data 嘅投資同營運成本,可以部分用者自付。當然政府肯推動,好似英國咁,由政府做統合果個,當然係最好。(同唔同巴士公司deal API同收費,如果資料格式唔相通做programmer果個真係死俾你睇)

依家巴士公司拒絕 Open Data ,一方面反對佢地個定位系統係虧,但另一方面,更反映巴士公司唔願意受公眾監察,呢個問題更大。運房局同創科局完全唔知自己做乜,對住國會議員答非所問,要創科局做乜,做五毛局用㗎?不如執咗佢,同埋炒咗楊偉雄件廢柴好過喇。

參考資料

英國Nextbuses API

發表迴響

你的電子郵件位址並不會被公開。 必要欄位標記為 *