人民幣

人民幣 亂救一通 香港經濟農曆年後有排亂

人民幣 嘅基礎出咗問題,呢個已經一早係阿媽係女人嘅事實,只不過,依家契丹救 人民幣 ,防止支爆嘅方法,已經越嚟越匪夷所思,據英國《金融時報》嘅報導,依家上海同北京出現一啲根本係黐線嘅外匯管制措施,上海嘅銀行,每匯出一百 人民幣 ,就要補倉一百 人民幣 ,而北京更誇張,要成功補番一百 人民幣 嘅外匯,至可以將八十蚊 人民幣 匯出去。

依家咁樣亂管銀行匯出 人民幣 嘅結果,而唔係挽回契丹根本係日本式泡沫嘅經濟,結果就係喺農曆新年期間,大量嚟香港嘅所謂契丹遊客,並唔係嚟買日用品,或者奶粉之類嘅嘢,而係嚟走資。當然,由於香港係埃格蒙特集團(the Egmont Group)嘅成員(呢集團好怪,香港、台灣、澳門都係成員,契丹唔係,而契丹政府,係無要求香港、台灣、澳門冠上中國之名參與,大家心照),契丹人大量用現金買樓或投資啲離奇古怪嘅嘢,一定引起聯合財富情報組嘅警覺,根本做唔到。但地下錢莊一定會幫呢班友洗錢,洗到合符法律規定為止,結果香港會出現好多離奇古怪嘅經濟活動,香港經濟喺新春前後唔亂七八糟就奇。因為依家契丹人唔可以用正途將錢匯出,咁咪經香港呢個地方,用埋啲怪招將啲錢變成有美金做支持嘅港幣,再轉成各類唔同嘅外匯。

所以香港嘅資產市場,會出現好大嘅變化。但大家要留意,如果中共十九大前後,契丹形勢極為唔妥嘅話,由於樓作為不動產,流動性低,而契丹人只不過當香港係中轉站,所以佢地係會沽出房地產,屆時香港房地產市場隨時出現無預警暴跌。所以,大家要留意契丹局勢,因為支爆可以搞到香港非常之亂。

發表迴響

你的電子郵件位址並不會被公開。 必要欄位標記為 *