vpn

VPN 都唔起得。契丹網絡鎖國遲早問題

VPN 幾乎係穿梭契丹同香港嘅人必須嘅利器,無 VPN ,facebook上唔到,蘋果睇唔到,馬都賭唔到,同與香港隔絕無分別。但依家契丹政府出咗告示,唔准啲人私自起 VPN ,而大家都知, VPN 係翻牆必須。你依家喺契丹無 VPN ,好多業務,好似ebay、etsy、FACEBOOK,甚至一啲比較個體經營嘅五毛,根本都無得做。

依家好明顯,契丹走向網絡鎖國,除咗因為要保護好似馬雲、馬化騰呢啲仆街嘅利益(我對呢兩條友一啲敬意都無,唔好意思),另一方面,好明顯中共權鬥,同埋支爆在即,好多消息一旦周圍走,對中共政權係會構成好大威脅。所以依家唔准國民自己起 VPN ,我相信好多契丹賣VPN嘅公司會被迫執笠,日後隨時成班自由行嚟到香港,係要嚟買 VPN 戶口,或者以香港為APN,又可以喺契丹用嘅TD-LTE/FD-LTE數據卡,為嘅都係翻牆。

當然,梁振英呢條仆街,隨時為咗擦鞋,又想搞網絡23條。雖然如果真係要契丹有效搞網絡鎖國,甚至任何形式嘅鎖國,可能最有效方法,係將香港同澳門踢出中華人民共和國,將契、台、港、澳嘅法理關係,恢復到1997年7月1日前嘅狀態。因為香港係一個國際條約下成立嘅城市,亦係做咗百七年自由港,根本無任何搞閉關自鎖嘅空間。

(後話:建基於我對香港政府嘅唔信任,我本身唔只仲保留 VPN 業務嘅分銷能力,我自己喺海外興建一個 VPN 主機,其實我都有呢個能力,而我自己管理嘅server,全部都唔喺香港或契丹法律管轄範圍)

發表迴響

你的電子郵件位址並不會被公開。 必要欄位標記為 *