會景閣

會景閣 林鄭月娥住喺邊可以知其利益網絡

會景閣 本來無太多人知道係乜嚟,只不過,因為林鄭月娥暫住喺果度,而林鄭月娥自爆膠到連無廁紙都唔識得同管理處求助,件事太膠,所以依家人人都知林鄭月娥知喺千八呎嘅單位,當然唔知exactly邊個單位。

好多人都以為 會景閣 一定係新世界俾物業,咁又唔一定,因為 會景閣 係可租可買服務式住宅, 會景閣 唔係單一業主,固然可能係新世界租俾佢,但亦可能有人早早買咗 會景閣 落嚟,如果林鄭月娥向 會景閣 啲小業主租單位嚟住,咁就係另一回事。

所以,林鄭月娥住邊個單位係重要,因為當知道林鄭月娥住邊個單位,就知道當中嘅利益關係,固然好大機會係由新世界租俾佢,如果係新世界租嘅話,咁西九文化區成件事就梗係好有問題,但如果林鄭月娥住嘅單位係另一啲人擁有,咁就要查擁有果個人,背後有無利益關係。雖然依家評論曾蔭權東海花園案係唔適合,但曾蔭權東海花園案成單案嘅切入點,就係曾蔭權退落嚟之後會租住嘅深圳東海花園豪宅。呢啲政客退落嚟後住邊度,絕對係一個研究佢地關係網嘅切入點。

如果有人爆到林鄭月娥exactly依家住邊個單位,固然可以立即展開查冊程序(都可以成幢 會景閣 查晒,你肯捐我可以公布晒啲業主出嚟),而林鄭月娥嘅提名確立後,林鄭月娥報乜地址參選,都可以睇到唔少嘢。但我只能講,林鄭月娥咁自爆住址,真係非一般嘅蠢。

後話:如果我係夠財力嘅傳媒,實搵記者走去租 會景閣 ,然後混入去打聽大量八卦新聞都好,只要個記者夠醒目,係可以喺電梯或好多地方,搜集好多珍貴情報。 會景閣 可以短租的,呢個對做新聞係十分有利嘅事。

發表迴響

你的電子郵件位址並不會被公開。 必要欄位標記為 *