831決定

831決定 嘅結果就係港獨抬頭

831決定 ,可以係困擾好多泛民選委嘅一件事,如果候選人唔承諾向契丹爭取推翻 831決定 ,咁提唔提名佢呢?而曾鈺成今日喺AM730嘅文,其實想話俾大家聽,契丹 831決定 無可能改變,所以泛民選委死咗條心吧喇。

喺中共十九大之前, 831決定 係無人有時間去改,因為張德江當年咁玩法,同上次DQ一樣都係監粗嚟。就策略而言,依家防林鄭月娥同希師奶當選比較重要(我聽聞有泛民選委想提名希師奶,我歡迎大家爆料俾我捉鬼),所以提唔提曾俊華、胡國興呢個問題上, 831決定 對方肯唔肯爭取否決,可以暫時放低一邊。不過, 契丹堅持 831決定 係有重大後果,我相信曾鈺成係無提醒過契丹果邊,就係港獨抬頭,就係 831決定而起。

民主回歸論雖然其實一早應該知行唔通(讀吓中共黨史都應該知),但民主回歸論是但符合一個條件,都仲有生存空間:

1. 契丹邁向民主改革,例如出現一個契丹版嘅戈爾巴喬夫,雖然普京話俾大家聽,有啲民族係死性不改

2. 契丹找數,俾香港全面民主

但契丹唔似有一個戈爾巴喬夫出現,而 831決定 反映咗,契丹喺香港民主化問題上已經走數,喺未來三十年,如果持續由契丹統治,除非支爆,否則香港出現民主嘅機會係唔大,當契丹係一個如此令人絕望嘅國家果陣,咁大家就會諗,不如搞港獨算吧,反正搞港獨同搞民主中國難度相若,但契丹咁大,啲人又變成咁,根本無得救,相反,搞港獨仲可能係保留中華文化僅餘精髓嘅出路嚟。

831決定 日後歷史會證明,呢個係港獨嘅起因嚟,客觀事實不以主觀意志為轉移。

發表迴響

你的電子郵件位址並不會被公開。 必要欄位標記為 *