Trump

Trump 想借英國反歐盟,但美國商界呢?

Trump 宣誓就職後,第一個會見嘅外國政要,正係我國首相 Theresa May。對Theresa May嚟講, Trump 肯見佢梗係好事,證明保守黨可以繞過UKIP同 Trump 取得連繫,UKIP再無得話自己至係 Trump 嘅真friend底。

只不過, Trump 想借有可能hard BREXIT嘅英國嚟反歐盟,呢個算盤未必咁易打,除咗係因為自己實力都有問題外,更大問題,好可能唔係英國本身,而係美國商界嘅利益。

英國最初加入歐洲單一市場嘅理由,除咗因為大英帝國嘅瓦解外,另一個好重要嘅原因,係作為美國喺歐洲嘅代表,雖然美國人本身,同愛爾蘭嘅關係,可能密切過同英國(美國好多愛爾蘭移民,所以喺北愛問題上,美國一直都係企喺天主教徒果邊),但愛爾蘭經濟當時太弱,根本唔夠料加入單一市場,所以英國嘅角色就好重要。

當然,依家好多美國公司係以愛爾蘭作為佢地歐盟業務嘅總部,包括facebook,但有一個好實際嘅問題,就係愛爾蘭喺金融同法律上,仍然唔及英國。所以奧巴馬年代,美國反對BREXIT,其實好大程度上受商界壓力。因為美國可以透過愛爾蘭同東歐國家,改變歐盟政策,但商界做生意,仍然需要英國喺歐盟嘅席位。

所以 Trump 可以俾到英國乜去支持hard BREXIT,好多人都好懷疑,甚至商界未必贊同呢種睇法。 Trump 遲早同美國主流商界有衝突。

發表迴響

你的電子郵件位址並不會被公開。 必要欄位標記為 *