廁紙

廁紙 就係 廁紙,用紙巾頂住嚟用確實唔係辦法

林鄭月娥要坐的士返官邸攞 廁紙 事件,雖然都係膠到極點。但有樣嘢,反映香港人對 廁紙 以至紙巾等嘅用法係有誤解,例如買住紙巾頂住先,咪得囉。駛鬼去買 廁紙 咁麻煩咩。

廁紙 買錯會塞渠

嗱,雖然香港嘅渠務系統,其實都可以頂住唔少好難沖散嘅 廁紙 ,但紙巾係唔可以真係當 廁紙 咁用,因為紙巾係手巾嘅替代品,所以設計上要講靭度,要講索汗能力,咁就會難沖散好多,好似林鄭月娥住會景閣,唔識得call frontdesk送 廁紙 ,固然係膠到一個點。但如果用紙巾頂住先,一旦真係玩到廁所淤塞,都唔係一件咁好玩嘅事。

香港蘋果日報:八檢測樣本難沖散用錯廁紙隨時塞爆渠

消委會2013年做過測試,有八隻 廁紙 係難沖散,會用到塞廁所,廁紙買錯都會用到塞廁所,更何況用紙巾。而2013年,消委會發現以下呢八隻牌子嘅廁紙,係比較難沖散,唔少都係所謂「抵買」嘅牌子,我仲未計大腸桿菌嘅問題,大家仲繼唔繼續用呢啲牌子嘅廁紙,你諗你。

廁紙
廁紙

所以喺美國,一般廁紙包裝上面,都會標明係唔係渠務系統友善(septic safe),特別美國呢啲住house,如果個渠塞咗,隨時要俾通渠或維修渠務系統嘅錢,係遠多於買平廁紙所慳番嘅錢。所以買廁紙,係有學問嘅,紙巾代廁紙,喺市區新樓,偶一為之都可以。但如果你住係渠務系統失修嘅舊樓,或者你係住新界村屋,我會建議你諗過先,或者拆開幾層至攞嚟用,否則你去大解放後,你就要捲起衫袖去通番個廁所。雖然會景閣嘅廁所,係絕對頂得住tempo紙巾有餘。

發表迴響

你的電子郵件位址並不會被公開。 必要欄位標記為 *