印度國民

印度國民 嚟香港無喇喇要預先登記:香港政府想點?

有單唔多起眼嘅新聞,雖然同香港大多數人利益無關,但好可能係契丹政府賊佬試沙煲,想改變香港嘅入境政策,大家必須注意。 印度國民 由1月23日起,必須事前喺網上做預先登記,獲准後至可以嚟香港,現時呢項電子登記係免費,亦即知結果,但 印度國民 來港預先登記,係要印出嚟至用得,類似依家香港人去台灣嘅電子台證。

香港嘅免簽政策一向好寬鬆,除咗契丹,部分同恐怖分子關係密切嘅國家,好似也門、利比亞、伊朗、伊拉克,或者一啲前蘇聯加盟共和國外,大部分國家,包括一啲好窮嘅非洲國家,嚟香港都係免簽。仲要一直以嚟,印度對特區護照所收簽證費都好平,幾舊水,反而對BNO同BC,去領事館做吓吓收過千銀,好過去搶,係e-visa好啲,但特區護照收四十八美金,而對英國護照持有人,都係要成六十美金。咁依家香港因乜理由,要特別對 印度國民 實施預先登記,好可能當中包括唔少香港人嘅印度籍親屬。

好明顯,由於契丹同印度關係惡化,呢項措施隨時係契丹政府用嚟整 印度國民 ,做法同新加坡裝甲車果嘢單一模一樣。呢件事係會絕對令人質疑,香港由1841年立國以嚟嘅自由港政策,係唔係因契丹政府嘅殖民政策而收緊。喺 印度國民 未有表面證據對香港安全構成危害,而印度亦成為日益重要經濟體情況下,保安局局長黎棟國,可唔可以同香港人解釋一下,究竟點解要對 印度國民 採取新措施。香港大部分人唔識睇呢啲嘢同國際關係嘅關係,唔代表印度或者香港無人識睇呢啲典型契丹風格嘅小動作。

要限制遊客,限咗契丹人,都未到 印度國民 ,我未見過 印度國民 當街乞食,但契丹國民嘅乞食行為,我已經報咗好多次警。

發表迴響

你的電子郵件位址並不會被公開。 必要欄位標記為 *