大河劇

大河劇 香港應自己拍自己嘅大河劇

大河劇 ,相信好多日劇迷都煲過,呢個幾乎係NHK嘅標誌咁滯。好多日劇明星,都係因 大河劇 開始演藝生涯,好似堺雅人係喺《新選組》得到注意。但係問題嚟,主要拍古裝為主嘅 大河劇 ,對日本最主要功用係乜?

其實, 大河劇 係一個歷史教育運動,簡單嚟講,透過電視劇去認識日本重要歷史人物,同埋所代表嘅價值,例如《新選組》係果種忠誠,《龍馬伝》弘揚坂本龍馬開創日本呢個國家,破舊立新。如果香港要確立自己嘅價值,要教育香港人自己嘅歷史,一代傳一代,可能好好每年拍一套大河劇,仲有效過透過教科書去教。正如日、港、契、台四國都熟三國歷史,三國相關遊戲應記一大功一樣。

當然, 大河劇 一定以一個歷史或歷史人物為主題,當然,香港歷史大把素材,我個人有啲熱門心水主題,甚至連個style都諗過嘅 大河劇 題目

人物/時代 題目
司徒華 大江東去
學民思潮 (可參照NHK《新選組》)
南洋華人 (可參照NHK《山河燃燒》)
李麗珊
黃家駒 海闊天空
奧士本
彭定康

而學民思潮果套,應該去到偶像劇嘅卡士,一如《新選組》果次一樣。

當然,有人會問,契丹政府會唔會又學人拍 大河劇 ,叫班契丹人慳啲喇,日本仔拍 大河劇 涉及大量考證,同埋啲演員選擇都係用心,契丹,一定變成抗日神劇。如果香港要自己拍自己嘅大河劇,相信係香港獨立後其中一項重要嘅「文化工程」。

發表迴響

你的電子郵件位址並不會被公開。 必要欄位標記為 *