譚偉豪呢條友唔敢面對嘅問題

http://www.webb-site.com/articles/hkirc.htm

股壇長毛不愧係股壇長毛,佢睇問題細緻好多。

以上股壇長毛的英文呼籲,係呼籲各位HKIRC的會員,喺呢個禮拜六出席會員大會,反對政府的提案,改組董事會,將政府派出董事大幅加到四位,用戶代表兩位,供應商代表兩位,即係變相國有化。

本來domain registry國有化已經相當奇怪,因為世界各國係民營多過國有化。政府無講清楚究竟HKIRC出咗乜管治問題,就要靜靜雞搶走HKIRC嘅控制權,究竟政府想點?政府係唔係收到中央order,想乘機踢走一啲麻煩友的.hk domain先,咁下一步豈不是在香港搞金盾工程?

所以譚偉豪,同埋支持佢班打手,就拎莫乃光當初只係.asia單野上掛名做顧問大做文章,當人地係傻嘅。本來.asia同.hk無競爭,因為用家完全唔同,用得.asia十之八九都係跨國企業,關針對香港為本公司.hk叉事。當年.asia檔嘢,得個吹水兩個字,莫乃光幫朋友拍心口做顧問,結果搞出一些以為.hk會同.asia競爭嘅人,有啲爭拗。本來呢單嘢係入咗legal settlement,雙方都係要保守秘密。

但譚偉豪知啲唔知啲,明明有legal settlement嘅事就爆晒出來,仲以為係有寶,轉移唔識嘅人的視線,而政府想take over .hk單嘢,唔駛講,呢條膠人實撐政府。呢啲人你敢支持佢,香港真係under咗金盾都無人知。

所以點解我認為譚偉豪,完全無資格代表資訊科技業界,理由就喺呢度。班撐佢嘅五毫黨,梗係不斷講歪理,因為接管.hk的控制權,至係譚生幕後老闆嘅當前急務。

不過依家保住HKIRC都好重要,如果你係.hk持有,以前登記過HKIRC會員,就可以出席會員大會投票,以下係開會時間同地點

地點:香港德輔道中308號安泰金融中心20樓2002-2005室
時間:早上九點,八點半開始登記

6 thoughts on “譚偉豪呢條友唔敢面對嘅問題

  1. HKIRC有咩問題就唔知,但係佢既HKDNR就真係好唔掂。有做過webhosting service既都知佢效率奇低…

  2. 莫乃光先知先覺, 幾年前已支持 TLD like .Asia 建議, 現在大部分亞洲ccTLD支持DotAsia, 包括.cn 和 .mo , .jp , .kr , .sg , .in …..

    未來幾年會出現更多不同類型 TLD – Top Level Domain Name

    為什麼譚偉豪不知不覺推.hk落井下石莫乃光?

    誰會選你後知後覺的譚偉豪代表香港互聯網或ITFC立法會議員?

發表迴響

你的電子郵件位址並不會被公開。 必要欄位標記為 *