廖傑民

丸久小山園 「香港店」係假貨有乜奇?廖傑民做生意手法根本唔乾淨

K11突然新開咗間 丸久小山園 ,一向好日本關西傳統綠茶同甜品,梗係成棚人去試。點知 丸久小山園 原來只係授權香港間嘢賣預先包好嘅嘢食,但間鋪根本唔係丸久小山園嘅直營店。而報紙查到間嘢負責人叫 廖傑民 ,咁一切都真相大白。

丸久小山園香港無直營店 廖傑民 玩乜

首先,根據 丸久小山園 網頁,香港並無直營店, 廖傑民 一定有心呃人。

咁 廖傑民 ,一向以嚟有乜問題呢,就係呢條友,喺2015年至被法院以欺詐罪判監兩年,好明顯, 丸久小山園 係廖傑民出獄之後搞出嚟嘅傑作,因為香港坐監,係有得扣減刑期,一般係三分一假期,所以實坐十四個月,夠條友去搞 「 丸久小山園 」 香港版有突。

當然,香港 丸久小山園 嘅商業登記,小弟要再作查冊,至知道班股東實際背景。但呢次廖傑民搞著 丸久小山園 ,簡直係向高難度挑戰,日本好多嘢食嘅品牌都可以濫竽充數昆人,但涉及茶道果啲,自唐宋茗茶方式喺中原失傳,只喺日本留傳至今,本身已經有一套好細緻的做法,所以呢啲出名嘅鋪頭,一般極少開分店,因為怕品質控制唔到做壞個朵,唔係個個似京都福寿園咁可以做得咁大規模,而唔會臭朵(當然因為福寿園唔係頂級)。

依家全香港愛好綠茶人士,好想知 廖傑民 後面係乜嘢資金,同埋點樣向香港消費者解釋。睇嚟呢單嘢,都係交俾海關處理。

發表迴響

你的電子郵件位址並不會被公開。 必要欄位標記為 *