林鄭月娥-八達通

林鄭月娥 八達通都唔識用,拆穿真面目

林鄭月娥 臨急抱佛腳,要扮親民坐港鐵,仲要連rehearsal都無,就走去坐。結果連八達通都唔識嘟,呢件事,比當年唐英年天價蛋撻事件,更反映 林鄭月娥 比唐英年,甚至好多商界中人都要離地,仲要萬丈果隻。

1. 其實 林鄭月娥 連八達通都唔識用,呢件事好匪夷所思,因為好多鍾意自己揸架跑車周圍走嘅二世祖,都曉用八達通出入停車場(你試吓唔帶八達通出街揸跑車溝女,320牛肉乾事小,你架車好容易被偷或被狗仔隊跟蹤事大),呢個離地級數係好恐怖,我想像唔到平日 林鄭月娥 係生活喺一個點嘅平行時空。

2. 林鄭月娥 要做戲搭港鐵唔緊要,任何嘅戲,包括政治戲,都要有劇本(玩膠都要有劇本,故宮壁果次咪有劇本),仲要有排練,英國人從政實讀莎士比亞,並非因為要劇本對白,或者純粹由莎士比亞嘅劇認識唔同類型嘅英格蘭國王,而係必須認知,戲如人生,人生如戲。 林鄭月娥 係好唔專業,作為政客嚟講。

一張八達通話俾大家聽, 林鄭月娥 係監粗捧出嚟,佢上台之後啲政策有幾離地,真係好難講。你以為佢關顧基層,佢好可能比梁振英更離地萬丈,更只識得走高層同富豪路線。

發表迴響

你的電子郵件位址並不會被公開。 必要欄位標記為 *