達哥 事件嘅教訓

達哥 同backup佬之間嘅爭拗,成為呢幾日social media 中人關注課題之一,backup佬攞 達哥 嘅內容賺錢,而未經對方批准,亦做任何利潤分享建議,backup佬一定唔啱,甚至可能刑事觸犯《版權條例》(大佬,三年賺三十六萬)。

只不過, 達哥 事件對KOL(好怕用呢個字),或者喺網上提供內容嘅人,係一個教訓。

1. 如果你用嘅直播平台係無商業營收,你一定要自己做backup,擺喺YouTube一類可以賺錢嘅平台做重溫,因為你唔做,就有賊去做。純粹fans大發善心,係唔會走去攞google adsense ID。Google Adsense ID係有郵寄地址認證。

2. 盡量用同內容創造者分享利潤嘅平台,你霸咗位先,至可以阻止啲賊偷你嘅內容。呢個係點解我做live,或視像評論,傾向係用YouTube,而唔係facebook,facebook嘅Audience Network呢排嘅態度,係好有問題。

我仲想講一樣嘢,你好鍾意某個人嘅內容,最好係share,而唔係原文照抄,然後擺喺自己嘅網站度,呢個唔係表示你對佢嘅支持,而且傷害緊佢。當然,作為內容製造者,純靠廣告唔係健康,正如 達哥 都要出嚟拍廣告,拍好多嘢,靠廣告點養。三年三十六萬,一個月平均一萬銀,其實都幾艱辛。

發表迴響

你的電子郵件位址並不會被公開。 必要欄位標記為 *