民主300

民主300 應有嘅提名策略

民主300 呢個選委集團,應該會開會討論,究竟會唔會提名曾俊華或者胡國興,作為有份投票俾IT界30位選委嘅選民,我係有少少份量去講嘢。 民主300 應該點樣發揮呢300票最大威力,推進香港嘅民主進展,呢個正係我想討論嘅問題。

要隊冧林鄭月娥呢啲為求目的,不擇手段嘅人, 民主300同林鄭月娥玩潔癖嘅結果,就係林鄭月娥得利,所以 民主300 要推進民主,絕對唔係玩左膠果啲,如果唔反對831就要攬炒,果啲係叫咗統監府水嘅人至講得出。 民主300 依家要做係,有幾個戰略或戰術目標:

1. 唔可以俾林鄭月娥自動當選,如果林鄭月娥自動當選,乜嘢都唔駛玩,所以我有理由相信部分左膠係收咗統監府水,統監府要601票提名俾林鄭月娥,其實目的就係想玩自動當選。

2. 形勢越亂, 民主300 手上嘅飛越值租,就越有籌碼叫價,呢個係阿媽係女人嘅常識,係得啲左膠無常識

所以 民主300 既然可以至少提名兩位候選人,曾俊華同胡國興都俾提名,果啲唔想俾提名曾俊華嘅左膠,就問佢地俾唔俾胡國興,如果連胡國興都𠵱𠵱哦哦,咁問統監府俾咗乜佢地嘞。葉劉淑儀就唔好提名俾佢,因為林鄭月娥一有醜聞爆,葉劉淑儀入埋去,統監府捧葉劉淑儀上去,你仲唔死?

當曾俊華、胡國興同林鄭月娥三國鼎立果陣, 民主300 慢慢同各方叫價都未遲。俾胡國興同曾俊華入閘,等於俾 民主300 有真正談判籌碼。所以我對左膠後面嘅人越嚟越懷疑,正如我認為黃毓民根本係投咗共嘅國民黨一樣。

當胡、曾入閘後, 民主300 應該點投票,我之後再因應形勢俾意見。

發表迴響

你的電子郵件位址並不會被公開。 必要欄位標記為 *