Trump

Trump 嘅反全球化主張唔係左膠想要嘅咩?

Trump 終於由一個大口地產商,宣誓成為民選總統。而佢宣誓果日,成棚示威者同警察喺華府街頭衝突, Trump 雖然贏咗選舉,但咁樣開展 Trump 嘅總統任期,可以見到 Trump 將係一個好爭議性嘅總統。

雖然 Trump 係右派,但 Trump 嘅反全球化性格十分明顯,唔要TPP,要美國再偉大,所以要製造業重返美國,甚至可能會搞貿易保護主義(雖然可能性唔大),但喺呢樣嘢,乜唔係呢班左膠想要嘅咩?由一個政見由左轉右嘅人,去實現咗左翼近幾十年以嚟,反對全球化嘅主張。

其實好多時,左膠,無論香港定美國,最大問題係為反而反,到底佢地想唔想要全球化?如果唔要,可以提供乜願景,如果要,又要點嘅全球化,根本係無講清楚,一日到黑攞住馬克思喺《資本論》描繪嘅烏托邦,就當係講咗佢地嘅願景。 Trump 有樣嘢係講得好清楚,就係佢要照顧美國人嘅生活,佢要美國人再度自豪起嚟,所以佢喺全球化同佢自己管理嘅國家基層生活中作出取捨。而呢班大愛嘅左膠,就係無取捨。

所以見到華府嘅示威,我覺得係好好笑。 Trump 我之前都唔多認同佢,因為佢果句You’re fired真係太膠,但左膠如果真係要重拾支持,到底左膠想要點嘅全球化,呢個係要講清楚,而好明顯, Trump 係知道佢自己搞緊乜。

後話:其實美國對上一個由左轉右嘅總統,就係列根。

發表迴響

你的電子郵件位址並不會被公開。 必要欄位標記為 *