豉油黨的膠爆政棍

一向以來,我對香港有兩個政黨極為感冒,一個是全中國最左的共黨支部民賤聯,另一個是全香港最乞兒的政黨豉油黨。

豉油黨班人很有錢,但行為極為乞兒。如何乞兒,先看香港首席乞兒政棍張宇人,這傢伙之前當長期吃二手煙的食客是死的,堅持縱容煙民在有限食肆空間吞雲吐霧,好像香港食肆只有酒吧和夜總會(當然佢老人家只去那些地方,另一個問題)。今天他又在《星島日報》大發膠論,話小食肆無反式脂肪替代品,大班要求取締反式脂肪無point。那反式脂肪搞出的醫療問題,誰付鈔,如果張宇人包起全香港因反式脂肪出狀況病人的醫療費用,他講乜都得,佢副身家夠俾?

豉油黨更乞兒,這伙人個個富有得肚滿腸肥,但從不知足,政治上問政府要著數、經濟上他們營商無道,又要政府左資助右資助,豉油黨的哲學係納稅人出雞,佢出假豉油。所以我叫呢幫政棍做豉油黨,就係咁解。

如果政府要將濫用綜援的李伯儉御用大律師拉入花廳,唔知豉油黨呢班jetso拎盡的友仔,我們又應怎樣處理。我係右派,但右派講自立自強,做伸手黨係假右派,假右派比真左派更乞兒。要在窮人飯砵中爭飯食,呢班友仔真係人人可得而誅之。

6 thoughts on “豉油黨的膠爆政棍

  1. 唔會,但一般做左法官後,好少出返黎再打案。做法官差唔多等同收山,所以一般御用大律師,係搵夠,兼且有相當正義感至做法官。

  2. 周梁做旅發局咁多年,一事無成,現在找來田少頂上,繼續膠落去,真係頂佢個肺

發表迴響

你的電子郵件位址並不會被公開。 必要欄位標記為 *