TVB

TVB 幾時就特首選舉相關誤導報導道歉

曾俊華終於參選,印刷媒體不斷散播曾俊華唔獲支持嘅謠言,果啲報導,好多可以當笑料處理,始終印刷傳媒基本上受好少法律規管,只不過,呢次連使用大氣電波嘅 TVB 都玩埋一份, TVB 呢次膠咗唔係無後果,因為通訊局嘅《電視通用業務守則-節目標準》係對使用大氣電波廣播嘅節目,有一定質素要求, TVB 作為免費電視牌照嘅持有人,受嘅規管係最多,亦都最嚴。

根據2014年版本,《電視通用業務守則-節目標準》第9章第7節

報道如與事實不符,應盡快在發覺後更正,或在該節目完結時或在下一節目開始時加以糾正。在某些情況下,可用字幕作出更正聲明。

換言之, TVB 係有責任向公眾糾正同道歉,唔係報咗中聯辦啲流料,就可以隨便走咗佢。如果我走去寫封信,向通訊事務管理局要求處理,我真係想知通訊事務管理局,將會點解釋《電視通用業務守則-節目標準》,但作為一個前持牌機構任職過嘅人,我實在無法接受 TVB 公然違反守則嘅行為。 TVB 自己嘅守則都咁講,

新聞記者及公共事務記者/編輯在同意不能全面透露消息來源前,必須盡力尋求把這些消息的來源公開。倘若確實不能公開,新聞記者及公共事務記者/編輯應考慮由別處取得消息;再不能的話,則應要求將保護消息來源的理由在報道中交代。

TVB 應該講清楚,呢個權威部門,係唔係中聯辦。









月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!





發表迴響

你的電子郵件位址並不會被公開。 必要欄位標記為 *