長州藩

長州藩 態度去看待特首選舉

雖然曾俊華公布參選果陣,明確表明唔支持港獨,但我呢個港獨派,到依家都唔會支持林鄭月娥。點解,其實 長州藩 嘅態度,好說明到一直以嚟,我喺香港政治嘅態度。

長州藩 自德川幕府成立以嚟,都係唔妥德川幕府, 長州藩 嘅家老成日都問:「幾時倒幕」,喺幕末之前,次次都話「為時尚早」, 長州藩 由德川幕府成立一直伺機倒幕,去到黑船之後, 長州藩 為達成目標,由改革兵制,開放平民都可以從軍,到薩摩藩結盟,最後組成新政府軍統一日本,推翻德川幕府。 長州藩 好簡單,只要可以達到倒幕嘅目標,乜都得,所以,改革兵制,行西式軍隊,無問題,同禁門之變果陣嘅敵人薩摩藩結盟,只要薩摩藩肯代買武器,就賣米俾薩摩藩,無問題。唔好講果啲奇兵隊,力士隊呢啲部隊。

所以我無泛民,甚至部分本土派陣營嘅潔癖,我係 長州藩 ,只要唔係林鄭月娥做特首,任何戰略或戰術可行性都會去。對我嚟講,幕末倒幕嘅歷史,對我啟發好大,香港依家啲人最需要學習,其實正係幕末歷史,因為黑船已經嚟咗,坂本龍馬嘅心胸同視野,係香港最需要。









月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!





發表迴響

你的電子郵件位址並不會被公開。 必要欄位標記為 *