中聯辦 嘅五毛戰術

自時聞香港被揭穿係劉迺強擁有之後,BB頭看世界又被人睇實晒, 中聯辦 無咗一個既有嘅軟性五毛平台欺騙民眾,不過, 中聯辦 點會唔打social media,只不過唔係用光明正大方法打,而係用埋啲五毛手法嚟打,例如用啲無政治味道嘅page,宣傳梁振英啲豐功偉績。

上圖嘅世間事,同下圖嘅howdv,表面睇落都唔係政治page,但係咁出啲極其老土嘅圖,宣傳梁振英政府嘅政策。

一般嚟講,要睇一個page係咪五毛開,其實check最早期啲profile picture,邊啲人like咗,會大概估到邊啲人做,呢啲page喺2015年成立,大部分like都係啲台灣人,典型會like大榴槤果啲假人,咁大家都知道呢啲垃圾page,實際老闆係邊個,當然係 中聯辦 。

呢啲垃圾page,同埋BB頭看世界,大家不單唔好like,唔好share,仲要舉報,如果知道邊啲人係admin,可以報料俾我聽,係有機會好似時聞香港咁,起出邊啲hihi做五毛。

當然,大家做page admin,小心果啲2011年啟用,成日無share嘢,突然間話曾俊華同貪曾一樣,或者又只係小圈子選舉言論嘅殭屍戶口,因為 中聯辦 張曉明,除咗雞鳴狗盜之技,根本乜都唔識。

林鄭月娥嘅social media戰術,簡單嚟講就係繼承梁振英嘅造假戰術。









月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!





發表迴響

你的電子郵件位址並不會被公開。 必要欄位標記為 *