曾俊華 唔向統監府低頭下參選

雖然無咗梁振英,但今年特首選舉嘅污糟程度,可謂史無前例,統監府先係咁對有錢人照肺,要佢地唔可以俾提名 曾俊華 ,跟住又透過傳媒,放風話 曾俊華 唔選。(呢次要點名,南華傳媒嘅資本壹週,我認為要交俾選管會跟進,係咪有人違犯選舉法例)但 曾俊華 無懼統監府嘅壓力,堅持選到底,一個唔向統監府低頭嘅特首候選人,已經係一個香港民意可以考慮支持佢嘅理由。

林鄭月娥用咗咁多統監府嘅資源出選,你估佢當選咗,林鄭月娥唔駛找數架,梁振英向統監府低頭,結果香港有幾多嘢賣咗俾契丹。 曾俊華 如果可以喺無統監府協助下贏得選戰,佢就可以唔駛睇統監府嘅面色,張曉明唔可以攞住雞毛當令箭果陣,究竟仲有幾多人會向統監府進貢,我個人相當有懷疑。

所以 曾俊華 以眾籌嚟籌經費,唔係佢要扮嘢,唔係有戰略需要,特別統監府唔俾有錢佬捐錢,而一旦有大孖沙捐錢,隨時統監府會玩嘢果陣,眾籌幾乎係 曾俊華 唯一可以籌款找呢場仗嘅方法。統監府大戰 曾俊華 已經展開,未來幾個月,一定好腥風血雨。









月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!





發表迴響

你的電子郵件位址並不會被公開。 必要欄位標記為 *