老闆車

老闆車 問題已經嚴重影響民生!

今日,專線小巴 6X 線嘅營運商捷輝喺facebook出post,指大量等到學校上堂至開走嘅 老闆車 阻塞界限街一帶,引致6X班次脫班,並且實地影咗張相俾大家睇。

當界限街都俾 老闆車 玩殘果陣,反映香港中上階層果種無公德心,以為320蚊牛肉乾泊車費好平嘅狀況,已經嚴重危及民生。仲要以九龍塘一帶啲名校、國際學校去睇,唔少呢啲視320蚊牛肉如無物嘅友仔,應該係啲契丹高幹子弟,你以為有錢嘅契丹人唔會擾亂民生?你真係太天真喇。

當然,短期內治標嘅方法,當然係派一堆黃腳𩶘去抄牌,因為對部分孤寒司機,320都仍然係錢嚟,只不過,對果啲用公家錢而不知羞恥嘅契丹高幹,或者身家多到唔知點駛嘅大有錢佬,320牛肉乾係一啲阻嚇力都無。

依家西歐國家,有部分已經係將你嘅牛肉乾罰款,同身家掛鈎,我建議私家車牛肉乾罰款,不如同首次登記稅水平掛鈎,一般只會買豐田平型號嘅小中產,依然係320,但揸果啲法拉利、林寶堅尼果啲友仔,唔該俾多一倍,甚至幾倍,保障庫房,亦保障交通。

同埋好心啲黑警,唔好只係識抄貨車,呢啲叫欺善怕惡, 老闆車 唔敢抄果啲,抵你俾人叫黑警。









想用Google App,經呢度加入:https://goo.gl/PBroUD
捐款者可以索取八折coupon code,慳更多!





發表迴響

你的電子郵件位址並不會被公開。 必要欄位標記為 *