西九

西九 自己有發展權?炒晒董事局裡面啲地產商先

梁振英喺施政報告話,將三十六萬平方米土地嘅發展權授與 西九管理局,如果 西九 管理局好似港鐵公司咁,擺明車馬好似上市公司咁賺錢,咁呢個idea未係好壞,只不過,梁振英話 西九 管理局唔係賺錢,但又可以邀請發展商一齊發展,咁就好大問題,大家留意吓, 西九 管理局董事會裡面,有幾多地產商至得。

西九
西九

左面係傅育寧,華潤董事長,華潤絕對係一間地產商嚟。中間嘅副主席夏佳理,係信和嘅非執行董事,唔係地產商嘅人,搵邊個信。右邊嘅鄭志剛,係新世界嘅人,鄭裕彤嘅孫,無錯佢花好多時間喺藝術度,只不過,佢都係新世界發展副主席。我已經唔計溫文儀,呢個測量師喺南生圍問題度點幫恆基,真係再寫都覺得臭。

當成個 西九 董事局都係梁粉地產商充斥果陣,政府仲要授予咁多地皮發展權俾 西九 管理局?公眾有理由懷疑,表面上係幫 西九 管理局解決財政問題,事實上係梁粉或奶粉大分贓,食相難睇到一個點咁滯,記者又唔去睇番成個 西九 管理局有幾多地產商代表,果吓就最好笑。

西九 要有自己地皮發展權?無問題,炒晒董事局裡面啲地產商代表先,再炒埋溫文儀更好。









想用Google App,經呢度加入:https://goo.gl/PBroUD
捐款者可以索取八折coupon code,慳更多!





發表迴響

你的電子郵件位址並不會被公開。 必要欄位標記為 *