撐長毛

雖然我唔係新東嘅選民,但作為曾經做過新東選民嘅我,我可以好大聲咁講,我會撐長毛(但唔係支持社民連)。

首先,講捍衛言論自由,無人比長毛更快採取行動,喺淫照案成棚網民覺得好無助果陣,第一個出嚟嘅立法會議員,就係長毛,單係呢點,我已經非常有理由支持長毛。

此外,我地需要一個敢於搗亂玩嘢嘅立法會議員,特別如果下屆由曾鈺成、葉國謙、葉劉淑儀呢班福佳做立法會主席,無長毛搗亂仲成世界,依家咁膠嘅年代,必須有人做歐洲式的議事抗爭。

而且,香港成班議員乜叫政治都唔知,長毛係好少數,我同佢傾偈,就知對方係識嘢嘅人。基於上述三大理由,我寧願投長毛,都唔好俾一啲所謂年青或者專業膠人上位。新東有幾多膠人爭最後一席,大家唔係唔知。

八年前我投票俾長毛,今日,如果我係新東選民,都會繼續投長毛。

2 thoughts on “撐長毛

  1. 長毛實撐佢,真正的民主鬥士,真係正社會主義者。
    講起社民連,都要撐,其實保送所有社民連入立會就最好了。

發表迴響

你的電子郵件位址並不會被公開。 必要欄位標記為 *