夏佳理繼女

夏佳理繼女 可以唔理利益衝突到乜程度?以2012年展覽為例

西九管理局係一個必須仔細調查嘅地方,唔單只係因為涉及故宮,而且由2012年7月1日,林鄭月娥以政務司司長以嚟,西九內部管理有幾充斥利益衝突嘅地方。好似2013年1月由M+同亞洲藝術文獻庫喺太古坊合辦嘅展覽,就係例子。而呢單嘢,啱啱又好又涉及 夏佳理繼女 徐文玠。

呢份press release, 夏佳理繼女 徐文玠,並無披露佢喺西九管理局嘅身份,臨時館藏委員會成員,當時夏佳理已經係西九董事局成員。而徐文玠主政,夏佳理做董事嘅機構,同西九管理局旗下機構搞展覽,竟然係完全無利益衝突申報,大佬,西九管理局係一個用公帑營運嘅機構,咁樣都得?咁其他藝術機構,又有無可能得到咁嘅厚待,大家都知道,香港好多搞藝術嘅機構同人都係莫財。

2012年底搞,2013年舉行嘅展覽,都可以利益衝突成咁,跟住M+成立獨立董事會,徐文玠又入埋董事會,角度衝突成咁,點搞。

後話:徐文玠搞嘅香港藝術文獻庫絕對係好嘢嚟,英治香港年代嘅香港當代藝術雙年展嘅資料,都可以喺果度搵得番。但好事還好事,方法還須合適至得。

發表迴響

你的電子郵件位址並不會被公開。 必要欄位標記為 *