胡恩威

胡恩威 變成政棍 此一時 彼一時

有啲政棍,或者淪為政棍嘅文化人,唔記得呢個世界有互聯網。西方近年興Fact Check,查吓你班有講過乜。而有啲政棍,只要查查佢地過往講乜,西洋鏡立即拆穿,最典型例子,莫過於 胡恩威 。

胡恩威 未淪為政棍前,係有啲理想嘅文化人,我讀緊大學果陣,前線政策研究小組反殺局三人組, 胡恩威 係其中一員(另外兩個就係梁文道同我,當時要work with未變政棍嘅何秀蘭,同埋未變成四方,但捉中英夾雜捉到開會講句嘢都要小心嘅劉慧卿),喺文化政策上,講嘢仲會講吓人話,但近年被招安,招安招到進念二十面體喺香港文化中心做主場後,就變晒質。

好似今日 胡恩威 喺明報鬧

「那些要求公開諮詢的,目標是透過公開諮詢進行權力鬥爭,本身完全和文化藝術無關」。

我想問,2009年你 胡恩威 自己致函當時嘅政務司司長唐英年,同負責西九諮詢嘅張仁良教授,係講乜架

胡恩威 : 「西九在諮詢什麼?」 – 致西九諮詢會主席張仁良教授的公開信

胡恩威
胡恩威

若要達致唐英年司長的「人文西九人民西九」理念,諮詢的首要任務是收集有關西九文化藝術定位的專業意見,向文藝工作者諮詢西九藝術定位及節目內容,這樣才能好好規劃西九的「人文」層面,使「人民」受惠。

上述句子,一字不滿,都係胡恩威寫,只不過係八年前嘅胡恩威 ,無錯,胡恩威喺《西九藍圖》呢本書度,提過要興建故宮分館,但我想問,林鄭月娥有向文藝工作者或公眾,諮詢過故宮嘅藝術定位同內容未?乜叉都搞secret,就係搞人文西九人民西九嘅做法?你依家鬧搞諮詢係權力鬥爭,文化藝術無關,咁 胡恩威 2009年所寫嘅,係咪搞政變,搞奪權?

當年 胡恩威 係咁批評西九規劃

而當局至今亦沒有向公眾說明清楚概念圖則顧問為何入圍,以及它們的設計方向,工作背景。只在諮詢的資料單張說到「西九文化區管理局(管理局)已聘請三支優秀的規劃設計團隊」,整個規劃過程,無論是專業或公眾的參與都很少。雖然是次諮詢場數多達五十多場,但究竟在諮詢什麼?意義何在?本人都感到很模糊,亦看不見願景。為更了解今次西九諮詢的目的和背後的理念,懇請張教授回答以下問題,說個明白,謝謝。

同樣質疑,適用於故宮分館

1. 故宮分館點解要起?

2. 點解係嚴迅奇嚟出手,理念喺邊

3. 今次仲衰,專業同公眾參與係零

2009年都睇唔到願景,依家更加無願景,直情係北京式霧霾。

胡恩威 2009年篇文末段提出三條問題,我依家原裝掟番俾故宮「假諮詢」上

問題一:西九諮詢期望達到什麼目的?整個首階段諮詢活動安排如何體現以該目的為宗旨?

問題二:為什麼整項諮詢的設計沒有問及文化藝術工作者對西九的定位和內容的看法?問及技術性問題如場地座位數量如何在現階段協助規劃西九?

問題三:西九的諮詢問題是誰負責設計?請具體交代諮詢問題背後的設計理念。

我只能講, 胡恩威已經淪為文化界垃圾,自己嘅idea得到「聖悅」立即變太監,呢啲文化人真係好恐怖,全部都係金庸武俠小說裡面果啲岳不群式偽君子。只不過,我估唔到可以核突到,連呢個世界有google都唔記得咗啫。

捐款:
Citibank Hong Kong: 14830515
恆生銀行:395-158777-882
HSBC / 恆生 Easy Pay / PCCW HKT Payment 拍住賞 / 八達通容易俾: 93807352
銀行轉帳,小額歡迎($1都受)
Bitcoin:1PTHjBPuciq5JS8MBo9cUVVr7orSaU1AuV
Paypal: https://paypal.me/martinoei








月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!





發表迴響

你的電子郵件位址並不會被公開。 必要欄位標記為 *