納粹黨

納粹黨 與國民黨

最近新竹有間中學掛納粹旗事件,引起好大爭議。香港人好少會犯做 納粹黨 手勢,或掛 納粹黨 旗嘅錯誤,因為英國人留低嘅歷史教育,講得好清楚 納粹黨 係乜嘢狗屎垃圾嚟,所以希師奶講咗果句希特拉係民主選出嚟,被我追殺九百九十九條街。

但台灣有呢啲錯誤,我只能講唔奇,好多人都唔記得,蔣介石治下嘅國民黨根本受 納粹黨 影響好深。甚至我可以咁講,喺1939年7月1日納粹德國承認汪精衛南京中華民國政府前,蔣介石控制嘅中華民國政府,可以視為 納粹黨 嘅同盟國。

喺1934年,中華民國政府係容許 納粹黨 嘅組織,好似上面張相係希特拉青年團(Hitler-Jugend),跟住仲有納粹衝鋒隊(Sturmabteilung,SA),德國少女聯盟(Bund Deutscher Mädel)一大堆組織可以喺中國國土上活動。蔣介石嘅仔蔣緯國,直頭係加入德國國防軍,官拜少尉軍銜,參與過德奧合併(Anschluss),蘇台德區(Sudetenland)入侵行動等等,蔣緯國全部都有份,如果唔係蔣介石召蔣緯國回國,相信喺山地師服役,並獲希特拉三次會見嘅蔣緯國,好大機會參與入侵波蘭嘅閃電戰行動,你同我講國民黨控制下嘅中華民國唔係 納粹黨 盟國?

而新生活運動,亦係將部分法西斯主義嘅意識形態滲入其中,所以恕我講得難聽,二次大戰嘅遠東戰場,喺1939年之前,根本係法西斯同軍國主義互咬,甚至喺日本各大政黨合流為大政翼賛会呢個東拼西湊(立憲政友会、社会大眾党、立憲民政党、国民同盟四個合埋嚟,根本係九唔搭八)嘅法西斯主義政黨前,中華民國嘅國民黨係一黨獨裁嘅法西斯主義國家,相反,日本仲有表面上嘅多黨民主政治,呢個亦係西方國家一直唔想幫中日任何一國嘅原因,喺七七事變後調停中日兩國果個係德國駐華大使陶德曼。真係令中華民國加入英美陣營,係偷襲珍珠港後,至出現一個學習法西斯主義國家,竟然係同英美法蘇並肩而戰。

甚至國民黨嘅清洗手法,好似專揀本省人嚟殺,外省人自認高人一等,警總果啲殘忍手段,全部都有一陣 納粹黨 味。國民黨根本係解唔到畫呢段歷史,所以台灣人,除咗喺德國留學果啲人,我估好多人都唔知 納粹黨 有幾人渣,因為國民黨根本學佢。

捐款:
Citibank Hong Kong: 14830515
恆生銀行:395-158777-882
HSBC / 恆生 Easy Pay / PCCW HKT Payment 拍住賞 / 八達通容易俾: 93807352
銀行轉帳,小額歡迎($1都受)
Bitcoin:1PTHjBPuciq5JS8MBo9cUVVr7orSaU1AuV
Paypal: https://paypal.me/martinoei








月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!





發表迴響

你的電子郵件位址並不會被公開。 必要欄位標記為 *