軍備競賽

軍備競賽 至能保障和平

特朗普話美國唔怕同契丹以及俄國 軍備競賽 ,好多左膠紛紛指責,唔少人覺得, 軍備競賽 破壞世界和平。

我睇法係相反,對住契丹同俄國呢啲有兩個錢就破壞文明同民主嘅國家, 軍備競賽 係最和平拖垮呢啲邪惡政權嘅方法,甚至比起解決伊拉克、利比亞呢啲邪惡政權嘅手法都和平。

上世紀列根吹星球大戰計劃吹大咗,吹到蘇聯破產就係例子,蘇聯呢個邪惡帝國如果堅係用核武解決,要犧牲幾多人命同錢至得。相反,用美國嘅工業能力,蘇聯明知自己人口同資源不及侷跟,跟唔到咪自己冚機。所以普京嘅戰略係好聰明,堅持同特朗普對話,要 軍備競賽 一定唔跟機,普京只會得到佢要嘅嘢就算,相信只要克里米亞同敘利亞嘅出海口唔會嘔番出嚟,普京好可能就算數,簡單嚟講,因為依家唔係奧巴馬,同特朗普鬥大實爆。由古巴飛彈危機至依家,俄國呢個捉國際象棋嘅民族,一直好清楚盤數係要點計,見大清帝國呢類弱國就搶,但見到強過佢或要付出龐大代價換取勝利就寧願唔玩,一如對馬海峽之戰決定性戰敗後,俄國同日本保持均勢至1945年8月八月風暴行動為止。

軍備競賽 契丹實跟機,因為契丹自以為自己好掂,特別契丹以為自己製造業好掂,就以為自己嘅工業能力好掂。工業能力除咗工人,科技以及資源自給自足度亦好重要,日本唔可能打贏第二次世界大戰,其實山本五十六一早就知,日本燃料不能自給就一早收皮,果然珍珠港海戰嘅戰果,喺中途島一役決定性戰敗後,就完全嘔突,因為美國工業能力太強,日本根本係點玉碎都無用。

軍備競賽 帶嚟保證相互毀滅嘅力量,和平同文明至可能有曙光,係殘酷,但無計。

捐款:
Citibank Hong Kong: 14830515
恆生銀行:395-158777-882
HSBC / 恆生 Easy Pay / PCCW HKT Payment 拍住賞 / 八達通容易俾: 93807352
銀行轉帳,小額歡迎($1都受)
Bitcoin:1PTHjBPuciq5JS8MBo9cUVVr7orSaU1AuV
Paypal: https://paypal.me/martinoei








月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!





發表迴響

你的電子郵件位址並不會被公開。 必要欄位標記為 *