土耳其

鄂圖曼 土耳其 敘利亞 俄羅斯:硬膠層層疊

土耳其 差佬為阿勒頗平民討回公道,做瓜俄羅斯大使,成為自大韓帝國遺民安重根以嚟最喪嘅殺手,大家或者唔明,點解 土耳其 差佬要火滾到為阿勒頗平民討回公道,連自己條命都無埋。

呢啲嘢,要睇番 土耳其 嘅前身,一度橫行歐亞嘅大帝國鄂圖曼帝國嘅行省分佈。其實今日敘利亞、 土耳其 等國,都係一次大戰後,列強瓜分鄂圖曼帝國嘅副產品。雖然 土耳其 獨立戰爭而嚟嘅《洛桑條約》,係比原本《色佛爾條約》嚟得公平,但《洛桑條約》仍然有列強為自己著數亂咁劃界嘅問題,例如摩蘇爾本來係 土耳其 一部分,硬劃入伊拉克,塞浦路斯俾英國人佔領,但又搞唔掂希臘同土耳其裔人嘅牙齒印,結果膠到今日都解決唔到。而阿勒頗其實唔屬於敘利亞行省,而係Halab行省(阿拉伯發音就係阿勒頗),所以至有鄂圖曼帝國首任皇帝陵墓,喺阿勒頗附近而成為 土耳其 飛地嘅膠問題。對 土耳其 人嚟講,阿勒頗啲人其實係佢地嘅同胞,本來 土耳其人已經好憎俄羅斯人,土耳其境內有一堆以東鄉平八郎命名嘅街,因為東鄉平八郎喺對馬海峽之戰一次過同俄羅斯嘅波羅的海艦隊收皮,佢地都當係民族英雄,你就知土俄兩國嘅仇口,係非一般嘅深厚。

列強亂咁劃界,阿勒頗被分為南北兩份,再加上俄土新仇舊怨,呢次槍擊事件,對果位休班阿Sir嚟講,佢係要為自己同胞討回公道,所以,呢劑未至於搞出世界大戰,畢竟各國無備戰,而古巴飛彈危機蘇聯都唔敢出兵,唔好講今日嘅俄國對有北約撐腰嘅 土耳其 。

所以普京想食火雞,無咁容易,因為呢啲過百年嘅歷史蘇州屎,其實隊冧阿薩德比較近磅,只不過俄佬未搵啱啱嘴形嘅代理人。

後話:土耳其啲休班警,係堅有正氣,正氣到挑俄佬機,香港啲休班警?強姦非禮樣樣齊,完全係fail state嘅質素。








捐款:
Citibank Hong Kong: 14830515
恆生銀行:395-158777-882
銀行轉帳,小額歡迎($1都受)
Bitcoin:1PTHjBPuciq5JS8MBo9cUVVr7orSaU1AuV
Paypal: https://paypal.me/martinoei

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!





發表迴響

你的電子郵件位址並不會被公開。 必要欄位標記為 *